Loading...

आत्ता वाचण्यासारखे :

सचिन पेक्षा श्रेष्ठ ठरला असता हा सचिनचा गुरु बंधू ! पण एका चुकीने सर्व संपले ...


आज आपण एका अशा क्रिकेटपट्टूबद्दल जाणून घेणार आहोत जो सचिन तेंडुलकरपेक्षा पण चांगला खेळाडू होता . श्री आचरेकर हे सचिनचे गुरु होते . त्यांनी सचिनला उत्तम क्रिकेट शिकवले होते . तेव्हा मैदानात आचरेकरांनी पहिले कि एक मुलगा सचिनपेक्षा पण चांगला खेळतो . सचिन त्यांच्या कठीण परिश्रमाने पुढे गेले . पण हा खेळाडू मागे राहून गेला . परंतु रमाकांत आचरेकरांचे मत होते कि हा खेळाडू सचिनपेक्षा उत्तम खेळाडू होता . त्यांचे नाव होते अनिल गुरव . असं काय घडलं कि ते काळाच्या ओघात मागे पडून गेले . चला मग जाणून घेऊया त्यांच्याविषयी .


आज अनिल गुरव हे मुंबईतील नालासोपाराच्या एका चाळीत खडतर आयुष्य जगतोय . एकेकाळी अनिल गुरव हे श्री रमाकांत आचरेकर यांची पहिली पसंत होते . रमाकांत आचरेकर हे अनिल गुरवला व्हिव रिचर्ड्स म्हणून हाक मारत होते . त्यावेळेला अनिलची फलंदाजी बघायला लोक आपली काम सोडून पाहत होते . हे अनिल गुरव आज एकटे आयुष्य जगत  आहे . स्वतः आचरेकर सचिनला अनिलचा खेळ बघून शिकायला सांगायचे . सचिनदेखील अनिल गुरवचे खूप मोठे चाहते होते . त्यांनी अंडर १४ च्या मॅचमध्ये खेळायला अनिल गुरव यांची बॅट मागितली होती आणि अनिल यांनी मोठ्या प्रेमाने ती दिली . विशेष म्हणजे अनिलच्या त्या बॅटने सचिनने त्याच्या आयुष्यातील पहिले शतक केले होते .

रमाकांत आचरेकरांना पूर्ण विश्वास होता कि अनिल एक दिवस खूप मोठा खेळाडू बनेल . त्यांच्या आईला पण आचरेकरांनी सांगितले होते कि लवकरच तुमच्या आयुष्यात खूप आनंद येणार आहे . त्यांच्याकडे जी पारितोषिके आहेत ती या गोष्टीची साक्ष देतात . त्यानंतर अनिलच्या आयुष्यात एक असे वळण आले ज्यामुळे त्यांचे क्रिकेटचे आयुष्य संपुष्टात आले .



अनिल यांनी सांगितले कि, त्यांचा भाऊ अजित हा बेकायदा गोष्टींच्या कचाट्यात सापडला होता .त्यामुळे अनिलच्या पण जीवावर बेतले होते . त्यामुळे त्यांनी मैदानावर जण सोडून दिल . त्यानंतर त्यांना पोलीस पण त्रास द्यायला लागले . जेव्हा परिस्थिती सुधारायला लागली तेव्हा त्यांनी  मैदानावर जाण्याऐवजी पैशासाठी टेनिस क्रिकेट खेळायला लागले . गुरु आचरेकरांनी यासाठी विरोधही केला होता . अनिल टेनिस क्रिकेटला त्यांच्या आयुष्यातील सर्वात मोठी चूक मानतात .

अनिल गुरव


काही वर्षांपूर्वी अनिलची आचरेकरांशी भेट झाली तेव्हा तेव्हा ते अनिलवर खूप रागावले होते . अनिल काही वर्षांपूर्वी त्यांचा मित्र किरण मांजरेकर यांच्याबरोबर इस्लाम जिमखान्यावर  सचिनला बघायला गेले होते . त्यांना भीती वाटत होती कि सचिन त्यांना ओळखेल का नाही . पोलीस बंदोबस्तामुळे ते सचिनच्या जवळ नाही जाऊ शकले पण जेव्हा सचिनची नजर आपला मित्र अनिलवर पडली तेव्हा त्यांनी अनिलला ताबडतोब बोलावून घेतले . अनिल गुरव हे सचिनपेक्षा चांगले खेळाडू बनू शकले असते पण परिस्थितीमुळे ते मागे राहून गेले .